وتووێژێک لەگەڵ بەهمەن قوبادی – بەرهەمهێنەری دیکۆمێنتاری “ژیان لەسەر سنوور” بۆ ئاژانسی فیدراڵی پەروەردەی مەدەنی ئەڵمانیا.

بە درێژایی سێ ساڵی ڕابردوو کۆمپانیای “مژفیلم” هەوڵیداوە چەندین خولی فێربوونی فیلسازی لە کەمپی پەنابەرەکاندا بۆ منداڵان دابین بکات کە لە ڕێگەی ئەم کارەوە ئەوان دەتوانن چیرۆکەکانی ژیانی خۆیان بە درووستکردنی فیلم بگێڕنەوە.

پێداچوونەوەیەک بە سەر ژیان و بەرهەمەکانی بەهمەن قوبادی، دەرهێنەری پێشەنگی سینەمای کورد، کە بەردەوام هەموو ئامانجی لە درووستکردنی فیلم، بردنەسەرەوەی ئاستی وشیاری کۆمەڵگا لە دۆخی نالەباری ژیانی خەڵکی وڵاتەکەی بووە و بەردەوام لە هەوڵ بە دوای چیرۆک گەلێکی سەرسووڕهێنەر لە نیشتمانی زامداری بووە. قوبادی لە ساڵی 1969 لە ڕۆژهەڵاتی کوردستان چاوی بە دنیا هەڵهێنا. یەکەم فیلمی بە زمانی کوردی، توانی سەرنج و ستایشی کۆمەڵگای جیهانی بۆخۆی ڕابکێشێت و ئێستاش بە یەکێک لە باشترین دەرهێنەرەکانی ئەوڕۆی ئێران دێتە ئەژمار.